Әгәр Татарстанда көчле икътисад булмаса, социаль ярдәм чаралары да, социаль сәясәтне үстерү дә мөмкин булмас иде. Бу хакта «Нәтиҗәгә эшлибез!» форумында ТР хезмәт, мәшгульлек һәм социаль яклау министры Эльмира Зарипова белдерде, дип яза «Татар-информ».
Министр сүзләренчә, Татарстанда ярлылык дәрәҗәсе 3 проценттан бераз югарырак һәм республика хезмәткә түләү буенча Идел буе федераль округы лидерлары рәтенә керә.
«Бу безгә ярлылык дәрәҗәсен киметергә мөмкинлек бирә – 3 проценттан бераз гына артыграк, һәм без ярлылыкның түбән дәрәҗәсе буенча Чукотск һәм Ямал-Ненец автономияле округы белән бергә икенче урында», — дип ассызыклады ведомство башлыгы.
Зарипова билгеләп үткәнчә, төбәктәге көчле икътисад социаль программалар өчен нигез булып тора. Соңгы елларда гына да Татарстанда 43 яңа мәктәп, 37 балалар бакчасы һәм 30дан артык поликлиника төзелгән, ә бер меңгә якын социаль-мәдәни объектта ремонт бара.
